KIKO E PROSEDURA TA ENSERÁ?

Ultrazonido Doppler ta un prosedura ku ta ser utilisá pa evaluá vianan di sanger, arterial i venoso pa determiná kaliber, fluho di sanger, kalidat di válvulanan venoso i pa evitá trombósis. Un médiko primario lo hasi petishon pa un prosedura ariba menshoná na
momento ku e tin sospecho ku un pashènt tin un malesa vaskular. Algun síntoma ku ta señalá posibilidat di un malesa vaskular ta man o pia hinchá (òf tur dos), doló di pia, kambio di koló di kueru, pèrdida di sintimentu na e partinan ariba menshoná o doló durante ku e persona ta kana.
  
KEN POR RISIBÍ E TRATAMENTU?  
Kualkier persona ku síntoma di un malesa vaskular.   

   
KIKO TA E PREPARASHONAN ADELANTÁ KU TA NESESARIO?

Preparashon no ta nesesario. E pashènt mester ta higieniko.  
 
DURASHON

Usualmente e prosedura ta dura 30 minüt pa un parti di e kurpa keda eksaminá.